कारोनाले एक कैदीको मृत्यु, केन्द्रमा ल्याएको चार दिनपछि संक्रमण पुष्टि

काठमाडौं । केन्द्रीय कारागारका एकजना कैदीको कारोना भाइरस संक्रमणका कारण मृत्यु भएको छ । कञ्चनपुरबाट उपचारका लागि केन्द्रीय कारागारमा ल्याइएका ४० वर्षीय पुरुषको मृत्यु भएको हो ।

पाटन अस्पतालमा उपचार भइरहेको उनको पछिल्लो समय मेगा अस्पतालमा उपचारका क्रममा मृत्यु भएको हो । १० भदौमा कोरोना भाइरस संक्रमण परीक्षणका लागि उनको स्वाब संकलन गरिएको थियो ।

चार दिनपछि उनमा कोरोना संक्रमण पुष्टि भएको थियो । हाल केन्द्रीय कारागारमा ७ सय जना बिरामी कैदीबन्दी छन् ।