- ११ असार २०८३, बिहीबार / Jun 25, 2026
एजेन्सी । खराब मौषमका कारण न्युयोर्कका ११ वटा काउन्टीमा संकलटकाल घोषणा गरिएको छ । ती काउन्टीहरुमा गभर्नर क्याथी होकुलले संकटकालिन अवस्थाको घोषणा गरेकी हुन् ।
सप्ताहन्तमा नयुयोर्कको बफेलो लगायतका क्षेत्रमा पाँच फिट सम्म हिमपातको सम्भावना रहेको छ । बफेलो क्षेत्र प्रमुख जीवन जोखिमपूर्ण आँधीको चपेटामा पर्न लागेको उल्लेख गर्दै गभर्नर होकुलले राज्यको यातायात विभाग, नेशनल गार्ड र हिउँ सोहोर्ने गाडीहरु सबै स्ट्यान्डबाइ रहेको बताएकी छिन् ।
उनले भिजिबिलिटी शुन्य हुने भएकाले स्थानीयहरूलाई सडकबाट टाढा रहन आग्रह गरेकी छिन् । विद्यालयहरू बन्द हुनेछन् र स्थानीयहरूलाई टाढाबाट काम गर्न र सम्भव भए घरमा बस्न प्रोत्साहित गरिएको छ।
न्यूयोर्क राज्यका केही भागहरू हिमआधीको चपेटामा परिरहेको छन् । बुधवार सुरु भएको भयंकर हिमआँधीले कम्तिमा हप्ताको अन्त्यसम्म सडकको अवस्था खराब हुने अपेक्षा गरिएको छ।
