- ५ आश्विन २०८३, सोमबार / Sep 21, 2026
काठमाडौं । पाँच दलीय गठबन्धनका शीर्ष नेताहरूको बैठक निष्कर्षविनै सकिएको छ । सबैले आ–आफ्नो दाबी कायमै राखेपछि बैठक विनानिष्कर्ष विहिन बनेको हो ।
सिट बाँडफाँटको मोडालिटी बनाउने जिम्मेवारी पाएको कार्यदलले खाका तयार गर्न नसकेपछि शीर्ष नेताहरूबीच छलफल चल्ने र वाझिने कार्य भइरहेको छ । तर पनि कुनै सहमति हुन नसकेको दलहरुले बताएका छन् ।
प्रधानमन्त्री निवास बालुवाटारमा बसेको बैठकले सिट संख्या टुंगो लगाउन नसकेरै सकिएको छ । बैठक आज पुनः बस्ने नेताहरूले बताएका छन् ।
आगामी निर्वाचनमा चुनावी तालमेल गर्दा कुन दलले कति सिट लिने भन्ने विषयमा सहमति जुटाउन भन्दै प्रधानमन्त्री सरकारी निवास बालुवाटारमा शनिबार बेलुकी बैठक बसेको थियो ।
गठबन्धनमा कांग्रेसले १०० सिट दाबी गरेको छ भने माओवादी केन्द्रले ६०, एकीकृत समाजवादीले ४०, जसपाले ३२ र जनमोर्चाले २ सिटमा दाबी गरेका छन् । सबै दलहरू आफ्नो दाबीबाट पछि हट्न तयार नहुँदा समस्या भइरहेको बताइएको छ ।
