- ९ असार २०८३, मंगलवार / Jun 23, 2026
काठमाण्डौ । बालबालिकाका लागि घुम्ती खोप शिविर अभियान सञ्चालन गरेको छ । हुम्लाको सिमकोट गाउँपालिकाले खर्कमा रहेका बालबालिकाको लागि घुम्ती खोप शिविर सञ्चालन गरेको हो ।
वर्षाको समयमा खर्क तथा अग्लो लेकमा चौँरीगाईसहित अन्य पशुहरु चराउनका लागि बालबालिका र गोठाला जाने भएकाले उनीहरूको उपचारका लागि घुम्ती शिविर सञ्चालन गरेको हो । सिमकोट गाउँपालिका–१ चुवाखोला वन र त्यसै पालिकाको वडा नम्बर ८ मा पर्ने रानीशैनामा रहेका खर्कमा पुगेर स्वास्थ्यकर्मीले बालबालिकालाई खोप र अन्य नागरिकको उपचार गरेको सिमकोट गाउँपालिले जनाएको छ ।
गाउँपालिकाको स्वास्थ्य शाखाले खर्कमा रहेका बालबालिकाका लागि घुम्ती खोप शिविर अभियान सञ्चालन गर्नुका साथै खर्कमा रहेका अन्य बिरामीको पनि उपचार गरेको हो । स्वास्थ्यकर्मीले करिब तीन हजार पाँच सयदेखि चार हजार मिटर अग्लो पाटनमै पुगेर बालबालिकाका लागि खोप कार्यक्रम सञ्चालन गरेका हुन ,
