जुवाको खालबाट १३ जना पक्राउ

काठमाडौं । काठमाडौंको कागेश्वरीबाट जुवातास खेलिरहेको अवस्थामा १३ जना पक्राउ परेका छन् । विशेष सूचनाको आधारमा प्रहरी वृत्त बौद्धबाट खटिएको प्रहरीले १३ जनालाई पक्राउ गरेको हो । नगद १ लाख रूपैयाँ र २ बुक ताससहित उनीहरूलाई पक्राउ गरेको प्रहरीले जनाएको छ ।

जुवातासका विषयमा थप अनुसन्धान भइरहेको प्रहरीले जनाएको छ । पक्राउ पर्नेमा कागेश्वरी मनोहरा नगरपालिका–६ मुलपानी बस्ने ओखलढुङगा लिखु गाउँपालिका–१ घर भएका २५ वर्षीय सिर बहादुर कार्कीको होटलमा जुवातास खेलिरहेको अवस्थामा कार्की समेत १३ जनालाई प्रहरीले पक्राउ गरेको हो ।