- ७ भाद्र २०८३, आईतवार / Aug 23, 2026
खोटाङ । दिप्रुङ चुइचुम्मा गाउँपालिकाले ज्येष्ठ नागरिकलाई प्रदान गर्दै आएको निःशुल्क यातायात सेवालाई बन्द गरेको छ ।
६५ वर्षमाथिका लाई दिइदै आएको सेवा लक्षित वर्गको नाममा परिवारका अन्य व्यक्तिले पनि लिएको पाइएपछि ज्येष्ठ नागरिक निःशुल्क यातायात सेवा बन्द गरिएको गाउँपालिकाले जनाएको छ ।
सम्झौताअनुसार निःशुल्क यातायात सेवा पाउने ज्येष्ठ नागरिकलाई परिचयपत्र वितरण गर्ने र सोही परिचयपत्र देखाएर निःशुल्क यात्रा गर्ने व्यवस्था गरिएको थियो ।
तर, ज्येष्ठ नागरिकलाई वितरण गरिएको परिचयपत्र देखाएर परिवारका अन्य सदस्यले दुरुपयोग गरेको पाइएपछि कटौती गरेको गाउँपालिका प्रमुख लोकेन्द्र राईले बताए ।
तत्कालीन गाउँपालिका प्रमुख भूपेन्द्र राई नेतृत्वको स्थानीय सरकारले ज्येष्ठ नागरिकका लागि निःशुल्क यातायात सेवा सुरु गरेको थियो ।
