- २५ भाद्र २०८३, बिहीबार / Sep 10, 2026
काठमाडौं । बेलायतमा इन्धन सङ्कट उत्पन्न भएको छ । सरकारले सेनाका करिब १५० वटा ट्याङ्करलाई तयारी अवस्थामा रहेको बताएको छ । अधिकांश पेट्रोल स्टेसन इन्धन नभएर बन्द भएका छन् भने बाँकी रहेकोमा मानिसहरू घण्टौँ लाइन बस्न बाध्य भएका छन् ।
अनावश्यक रूपमा इन्धनको लागि आतङ्कित भएका कारण झन् समस्या उत्पन्न भएको सरकारको आरोप छ । बेलायती प्रधानमन्त्री बोरिस जोन्सनले इन्धन समस्या चाडै सामान्य हुने बताउँदै सबैलाई सामान्य अवस्थामा जस्तै इन्धन भर्न र आ–आफ्नो व्यवसायमा फर्कन आग्रह गरेका छन् ।
कोरोना महामारीका कारण नयाँ चालक अनुमति पत्रमा भएको ढिलाइ तथा ब्रेक्जिटका कारण युरोपियन मुलुकका कामदार फिर्ता हुनु जस्ता कारणले अहिले करिब ९० हजार भन्दा बढी लरी ड्राइभरको अभाव भएको अधिकारीहरूले बताएका छन् ।
