- ३१ भाद्र २०८३, बुधबार / Sep 16, 2026
काठमाडौं । तराईका तथा मध्य तराई र आसपास जिल्लामा दिनभरि नै हुस्सु कुहिरोले छोप्ने गरेको छ । नेपालगन्ज, भैरहवा र सिमरा क्षेत्रमा अधिकतम तापक्रम ५ डिग्री सेल्सियसभन्दा घटेको छ ।
अधिकतम र न्यूनतम तापक्रम बीच ५ डिग्री सेल्सियसभन्दा कम भिन्नता आएको मौसम पूर्वानुमान महाशाखाले जनाएको छ। तराईका धेरै भूभागमा मापन गरिएको औसत न्यूनतम तापक्रम घट्दै गएको देखिएको छ ।
हाल विशेषतः सिमरादेखि नेपालगंजका अधिकांश भूभागहरूमा शीतलहर छ । पश्चिम तराईका भूभागहरूमा मन्द शीतलहर देखिएको महाशाखाले जनाएको छ। अझ २,३ दिनसम्म यस्तै अवस्था रहने सम्भावना छ ।
जनकपुरदेखि सिमरासम्म लागेको शीतलहरको अवस्था बुधबारदेखि हटेर हाल बिहानीपख बाक्लो हुस्सु तथा कुहिरो लाग्ने गरेको छ । सिमराभन्दा पूर्वमा न्यूनतम तापक्रम घटी चिसोको लहर बढ्नुका साथै बिहान हुस्सु लाग्ने गरेको देखिन्छ । तसर्थ चिसोबाट बच्न आवश्यक सतर्कता अपनाउन महाशाखाले अनुरोध गरेको छ।
