- १२ श्रावण २०८३, मंगलवार / Jul 28, 2026
बारा । जीतपुर सिमरा उपमहानगरपालिका– ९ छातापिपरास्थित त्रिवेणी स्पिनिङ उद्योगमा मजदुर र प्रहरीबीच झडप हुदा प्रहरीले १ राउण्ड गोली चलाएको छ ।
झडपलाई नियन्त्रणमा लिनका लागि गोली र ३४ राउण्ड अश्रु ग्याँस प्रहार गरेको हो । झडपमा १० जना प्रहरी घाइते भएका छन् । घाइतेहरुको सिमरास्थित अल्पाइन अस्पतालमा उपचार भइरहेको छ ।
भिडलाई तितर बितर गर्न प्रहरीले ३४ राउण्ड अश्रु ग्यास र सर्ट गनबाट १ राउण्ड फायर गरेको बाराका प्रमुख प्रहरी उपरीक्षक होबिन्द्र बोगटीले बताए ।
प्रहरीले त्रिवेणी स्पिनिङका प्रमुख कार्यकारी अधिकृत, महाप्रबन्धक, प्रशासन अधिकृतलगायत ५ जनालाई उद्धार गरेको छ । झडपमा संलग्न रहेको आरोपमा ७ जना मजदुरलाई पक्राउ गरेको छ । झडप कति मजदुर घाइते भए भन्ने प्रहरीले खुलाएको छैन ।
