- २९ जेष्ठ २०८३, शुक्रबार / Jun 12, 2026
काठमाण्डौ । काठमाण्डौ–बैङ्कक उडान थाइल्यान्डको राष्ट्रिय ध्वजावाहक थाई एअरवेज इन्टरनेशनलले फेरि शुरु गरेको छ । आइतबारदेखि कोभिड–१९ का कारण काठमाण्डौको उडान बन्द गरेको कम्पनीले फेरि उडान सुरु गरेको हो ।
थाई एअरवेजले सन् १९६८ को डिसेम्बरमा नेपालमा पहिलो पटक उडान सञ्चालन गरेको थियो । कम्पनीले नेपालको उड्डयन इतिहासमा लामो समय उडान गरेको छ ।
कोभिडपछि अन्तर्राष्ट्रिय उडान पुरानै लयमा फर्किएको विमानस्थल कार्यालयले जनाएको छ । कम्पनीले कोभिडका कारण सन् २०२० मार्च २५ तारिखदेखि काठमाण्डौ गन्तव्यको उडान बन्द गरेको थियो । गएको असोज ३० गते अहिलेसम्मकै सर्वाधिक उडान दुईतर्फी एक सय १३ उडान भएको थियो । कात्तिकको पहिलो हप्ता एक सय १० हाराहारी उडान भएको थियो ।
नेपालमा तीन नेपालीसहित ३० वायुसेवा प्रदायक कम्पनीले अन्तर्राष्ट्रिय उडान भर्दै आएका छन् । थाई एअरवेजले उडान फेरि थालेको त्रिभुवन अन्तर्राष्ट्रिय विमानस्थलले जनाएको छ ।
