- ८ भाद्र २०८३, सोमबार / Aug 24, 2026
काठमाडौँ । इजरायलमा भएको आतङ्ककारी हमलामा घाइते भएका ९ मध्ये दुई जना नेपाली दूतावासको सम्पर्कमा आएका छन् ।
तर उनीहरुको उद्धार हुन सकेको छैन । गैर आवासीय नेपाली सङ्घ इजरायलका पूर्व अध्यक्ष दीपक ओलीले दाङका हिमाञ्चल कट्टेल र अर्का नेपाली प्रवीन डाँगी सम्पर्कमा आएको बताए ।
उनीहरू बोल्न सक्ने अवस्थामा रहे पनि अन्य ७ जना भने बेहोस अवस्थामा रहेको ओलीको भनाइ छ । ७ जनालाई बङ्करमा छिर्नुअघि नै गोली लागेको जानकारी प्राप्त भएको छ ।
डाँगी र कट्टेलले ७ जनालाई बङ्करभित्र छिर्नुअघि नै आतङ्ककारीहरूले गोली हानेको रिपोर्टिङ गरेका छन् ।
७ जनालाई गोली लागेको छ भने अहिलेसम्म उपचारविहीन अवस्थामा बङ्करमै छन् ।
घटनामा परेका नेपालीहरू इजरायल प्यालेस्टाइन सीमा क्षेत्रमा रहको गाजा क्षेत्रको कृषि फार्ममा कार्यरत रहेको खुलेको छ ।
फार युनिभर्सिटी अन्तरगतको कृषि फार्ममा उनीहरू प्राक्टिकल गर्नेहरू रहेको बताइएको छ ।
