- १० कार्तिक २०८३, मंगलवार / Oct 27, 2026
काठमाडौं । गैरआवासीय नेपाली सङ्घको ११औँ राष्ट्रिय महाधिवेशन अन्तर्गत आज नयाँ नेतृत्वका लागि निर्वाचन हुँदैछ । बिहान १० बजेदेखि साँझ ६ बजेसम्म मतदान गर्ने व्यवस्था मिलाइएको निर्वाचन समितिले जनाएको छ ।
विदेशमा रहेका प्रतिनिधिले भने अनलाइन भोटिङ गरिरहेका छन् । अनलाइन भोटिङ्ग चौबीसै घण्टा तोकिएको निर्वाचन समितिले जनाएको छ । एनआरएनएको अध्यक्षमा बद्री केसी, महेश श्रेष्ठ र आरके (राजेन्द्र कुमार) शर्माबीच प्रतिस्पर्धा हुँदैछ ।
अध्यक्ष, एक महिला र युवासहित आठ उपाध्यक्ष, एक महासचिव, ६ सचिव र कोषाध्यक्षसहित ७४ जना अन्तर्राष्ट्रिय समन्वय परिषद्का पदाधिकारी चयन गर्ने छ । ७४ पदका लागि एक सय २० जनाले उम्मेदवारी दिएका छन् ।
अध्यक्षका लागि ३ जना, ६ जना उपाध्यक्षका लागि १८ जना र एक महासचिवका लागि दुईजना बीच प्रतिस्पर्धा हुँदैछ । दुई उपमहासचिवमा पाँच जनाले र ६ सचिव पदका लागि १५ जनाले उम्मेदवारी दिएका छन् ।
