- १० कार्तिक २०८३, मंगलवार / Oct 27, 2026
काठमाडौं । बडादसैँ मनाउन उपत्यकाबाट ३ लाख ५८ हजार ७ सय ६२ जना बाहिरिएका छन् ।
नागढुंगा, फर्पिङ, मुड्खु भञ्ज्याङ र भक्तपुरको जगातीबाट ९१ हजार १०८ जना बाहिरिएको उपत्यका प्रहरी कार्यालयका एसएसपी राजेन्द्र प्रसाद भट्टले बताए ।
घटस्थापना पछि ३ लाख ५८ हजार ७ सय ६२ जनाले उपत्यका छाडेको भट्टले बताए ।
चाडपर्वको समयमा हुनसक्ने सुरक्षा चुनौती र दुर्घटना नियन्त्रण गर्न ट्राफिक प्रहरीले चेकजाँचमा कडाइ गरेको छ ।
लामो दुरीको बसमा दुईजना चालक राख्ने नियम पालनामा कडाइ गरिएको एसएसपी भट्टले बताए ।
