- १६ जेष्ठ २०८३, शनिबार / May 30, 2026
१८ असार २०७७ काठमाडौ । सत्तारुढ दल नेपाल कम्युनिष्ट पार्टी (नेकपा)ले पार्टी एकतामा गम्भीर संकट पैदा भएको भन्दै समाधानका लागि अधिकतम प्रयास गर्ने निष्कर्ष निकालेको छ । बिहीबार बालुवाटारमा बसेको स्थायी कमिटि बैठकले संकट समाधानमा गम्भिर बन्ने यस्तो निष्कर्ष निकालेको हो ।
पार्टी एकतामा गम्भीर संकट देखा परेकोले संकटबाट जोगाउन शनिबार ११ वजे सम्मका लागि दुवै अध्यक्ष र अरु नेताहरू प्रयास गर्ने निष्कर्ष निकालेको प्रवक्ता नारायणकाजी श्रेष्ठले बताए । बिहीबार मन्त्रिपरिषद् बैठक नबस्ने र संसद् अधिवेशन अन्त्य नगर्ने सहमति भए पनि ओलीले मन्त्रिपरिषद् बसेर संसद् अधिवेशन अन्त्य भएको नेकपाका अर्का अध्यक्ष पुष्प कमल दाहाल प्रचण्डले स्थायी कमिटी बैठकमा ब्रिफिङ गरेको बताए ।
राष्ट्रपति विद्यादेवी भण्डारी र प्रधानमन्त्री केपी शर्मा ओलीले अध्यादेश ल्याइनसकेको बारे आफूलाई स्पष्ट पारेको पनि दाहालले स्थायी कमिटीमा सनाएको प्रवक्ता श्रेष्ठले बताए । प्रधानमन्त्री ओलीले अध्यादेश ल्याउन लागिएको भन्ने सुनेपछि अध्यक्ष प्रचण्ड राष्ट्रपति भण्डारीलाई भेट्न दिउँसो शीतल निवास पुगेको बताए ।
राष्ट्रपतिको भेटवार्तापछि प्रचण्ड बालुवाटारबाट फर्किएपछि स्थायी कमिटी बैठक बसेको थियो । नेकपा स्थायी कमिटी बैठक अब आउदो शनिबार बिहान ११ बजे बस्ने प्रवक्ता श्रेष्ठले जानकारी दिए ।
