- ५ आश्विन २०८३, सोमबार / Sep 21, 2026
काठमाडौं । नेपालीको सम्पत्तिको सीमाङ्कन गर्न नेपाल मजदुर किसान पार्टीका सांसद प्रेम सुवालले माग गरेका छन् । आइतबार प्रतिनिधिसभाको बैठकमा बाल्दै सांसद सुवालले विदेशमा सम्पत्ति राख्न नपाउने व्यवस्था गर्न जरुरी रहेको बताएका हुन । सांसद सुवालले प्रधानमन्त्री, मन्त्री, सांसद र उच्च अधिकारीसमेतले स्वयंसेवी भावनामा काम गर्नुपर्ने बताउनुभयो ।
नेपालीहरूको विदेशमा सम्पत्ति भएको खबर बाहिर आएको र नेपालीको सम्पत्तिको सीमाङ्कन गर्न आवश्यक रहेको सांसद सुवालले बताएउनुभयो । नेपालीलाई योग्यताअनुसारको काम र कामअनुसारको ज्याला पाउने बन्दोबस्त गर्नुपर्ने बताउदै देशको सन्तुलित विकास गरी हाल भइरहेको बसाईंसराइ व्यवस्थित गर्नुपर्ने र अहिले भएको सरकारी बिदाको एक चौथाइ बिदा कटौती गर्नुपर्ने माग गर्नुभभयो ।
उहाँले भन्नुभयो ‘नेपालीको सम्पत्तिको सीमाङ्कन गर्ने र विदेशमा सम्पत्ति राख्न नपाउने व्यवस्था गर्न जरुरी छ। किनभने अहिले पनि नेपालीहरूको विदेशमा सम्पत्ति भएको बाहिर आएको छ। नेपालीलाई योग्यताअनुसारको काम र कामअनुसारको ज्याला पाउने बन्दोबस्त गर्नुपर्छ। देशको सन्तुलित विकास गरी हाल भइरहेको बसाईंसराई व्यवस्थित गर्नुपर्छ। सरकारी बिदा धेरै भएको जनगुनासो छ, यसलाई एक चौथाई बिदा कटौती गर्नुपर्छ।’
