- २५ भाद्र २०८३, बिहीबार / Sep 10, 2026
काठमाडौं । गणतान्त्रिक शासन व्यवस्था विरुद्ध नलाग्न पूर्वराजा ज्ञानेन्द्र शाहलाई प्रधानमन्त्री शेरबहादुर देउवाले ठाडो चुनौती दिएका छन् ।
बुधबार बिहान गणेशमान स्मृति शान्ति प्रतिष्ठानले शान्तिबाटिकामा आयोजना गरेको कार्यक्रममा बोल्दै प्रधानमन्त्री देउवाले शासन गर्ने भए चुनाव लडेर आउन चुनौती दिएका हुन् । प्रजातन्त्रबाहेक सबै कुरा सुम्पिन तयार रहेको भन्दै देउवाले गणतन्त्र विरुद्ध माहोल तयार पार्छु भन्ने मुर्खता नगर्न शाहलाई अनुरोध गरे ।
देउवाले भने, ‘शासन गर्ने भए चुनाव लडेर आउनुस्, प्रजातन्त्रमा त्यो सुविधा छ, गणतान्त्रिक शासन व्यवस्था विरुद्ध नलाग्नुस् ।’ संविधानमा केही सुधार्नु पर्ने भए त्यसलाई सुधार्दै जाने पनि देउवाले बताए ।
स्मृति कार्यक्रममा प्रतिष्ठानले त्रिभुवन विश्वविद्यालयका प्राध्यापक खगेन्द्र भट्टराई समाज सुधारमा महत्वपूर्ण योगदान दिएको भन्दै स्वर्णपदकबाट सम्मान गरिएको थियो ।
