- ६ कार्तिक २०८३, शुक्रबार / Oct 23, 2026
काठमाडौं । नेपाल कम्युनिस्ट पार्टी (नेकपा)का अर्का अध्यक्ष तथा प्रधानमन्त्री केपी शर्मा ओलीले पुष्पकमल दाहाल प्रचण्डले लगाएका आरोपको जवाफ दिनु पर्छ भन्ने नलागेको बताएका छन् ।
‘वाहियात एवं झूठा आरोपहरुको जवाफ नदिने भन्दै ओलीले आफ्नो अडान कायम राखेका छन् । महासचिव विष्णु पौडेललाई साक्षी राखेर प्रधानमन्त्री ओलीले नेता माधवकुमार नेपालसँग छलफल गर्नुका साथै आफूमाथि यसैगरी आरोप लगाउने हो भने अब संगै हिड्न पनि नसकिने बताए ।
दुईघण्टा लामो कुराकानीमा प्रधानमन्त्री ओलीले अब छुट्टीनुको विकल्प नरहेको भन्दै आफूलाई सहयोग गर्न नेपालसँग आग्रह गरे । आइतबार माधव नेपाल र विष्णु पौडेलसँग छलफल गर्नुअघि प्रधानमन्त्री ओलीले बालुवाटारमै उपाध्यक्ष वामदेव गौतमसँग करिब डेढघण्टा छलफल गरेका थिए ।
