प्रतिनिधिसभाको बैठक बस्दै, एमसीसी टेवलको संकेत, एमाले अवरोध कायमै

काठमाडौं । प्रतिनिधिसभाको बैठक बस्दै छ । आज दिउँसो १ बजे बस्ने बैठकमा एमसीसी सम्झौता टेबल हुन सक्ने अनुमान गरिए पनि बैठकको कार्यसूचिमा परेको छैन ।

बैठक अघि कार्यब्यवस्था परामर्श समितिको बैठक राखेकाले उक्त बैठकबाट एमसीसी टेबल गर्ने कार्यसूचि थपिने सक्ने बताइएको छ । यद्यपी सत्ता घटकहरुबीच नै मतभेद बढेकाले एमसीसी आज पनि टेबल हुने गरी सहमति जुट्ने सम्भावना क्षीण देखिएको छ ।

प्रधानमन्त्री शेरबहादुर देउवा आजै एमसीसी टेबल गर्ने पक्षमा रहनु भएको छ । सरकारले जोड गरे सभामुखले एमसीसी प्रस्ताव टेबल गर्नबाट भने रोक्न नमिल्ने बताइएको छ । उता, नेकपा एमालेले आजको बैठकमा पनि अवरोध जारी राख्ने भएको छ ।