प्रतिनिधिसभाको बैठक शुक्रबार बिहान ११ बजे बस्दै

काठमाडौं । प्रतिनिधिसभाको बैठक बस्दै छ । शुक्रबार बिहान ११ बजे बस्ने बैठकमा विनियोजन विधेयक– २०७९ का विभिन्न शीर्षकमा मन्त्रालयगत छलफल जारी छ ।

शुक्रबार परराष्ट्र मन्त्रालय, ऊर्जा, जलस्रोत तथा सिँचाइ मन्त्रालय र गृह मन्त्रालयका लागि विनियोजित बजेटमाथि छलफल हुने संघीय संसद् सचिवालयले जनाएको छ ।

बिहीबारको प्रतिनिधिसभाको बैठकमा शिक्षा विज्ञान तथा प्रविधि, खानेपानी, अर्थ र रक्षा मन्त्रालयका विभिन्न शीर्षकमाथि छलफल गरेका थिए ।