- २८ असार २०८३, आईतवार / Jul 12, 2026
काठमाडौं । स्थानीयको अवरोधले काठमाडौं उपत्यकाको फोहोर विसर्जनमा समस्या उत्पन्न भएको छ । बन्चरेडाँडा ल्यान्डफिल साइट प्रभावित क्षेत्रका स्थानीयले अवरोध गरपछि उक्त समस्या सिर्जजना भएको हो । आफुसँग भएका पुराना सहमति कार्यान्वयन नभएको भन्दै नुवाकोटको ककनी गाउँपालिका र धादिङको धुनीबेसी नगरपालिकाका स्थानीय सोमबारबाट आन्दोलनमा उत्रिएसंगै समस्या झन–झन गैरिदै गएको हो ।
सर्वोच्च अदालतले सोमबार फोहोर विसर्जनमा अवरोध नगर्न आदेश दिएपनि प्रभावित क्षेत्रका वासिन्दाले उक्त आदेशलाई पनि लत्याइदिएका छन् । उनीहरुको ल्याण्डफिल साइट क्षेत्रबाट मानव वस्ती हटाउनुपर्ने उनीहरुको बटमलाइन रहेको र सोमबार उनीहरुले काठमाडौंबाट फोहोर लिएर गएका झण्डै पाँच दर्जन गाडीहरुलाई फर्काइदिएका थिए ।
मंगलबार फोहोरका ट्रक आए आक्रमण गर्ने चेतावनी स्थानियवासीले दिएपछि काठमाडौं महानगरले मंगलबार फोहोर बोकेका गाडी पठाएको छैन । यो समस्या समाधान गर्न सम्बन्धीत निकायले वेलैमा ध्यान दिन जरुरी रहेको स्थानीले बताएका छन् ।
