बस दुर्घटनामा ४० जना घाइते

पाँचथर । फिदिममा यात्रुवाहक बस दुर्घटनामा ४० जना घाइते भएका छन् । घाइतेमध्ये १५ जनाको अवस्था चिन्ताजनक रहेको प्रहरीले बताएको छ ।

घाइतेको पाँचथर अस्पतालमा उपचार भइरहेको छ । पाँचथरबाट झापा जाँदै गरेको को १ ख ३८६५ नम्बरको बस आज बिहान सरखण्डेमा दुर्घटनाग्रस्त भएको हो । ६० भन्दा बढी यात्रु रहेको बस सडकबाट खसेर अर्को गोलाइमा पुगेको जिल्ला प्रहरी कार्यालयका सूचना अधिकारी डम्बर विश्वकर्माले बताए ।

घाइतेमध्ये २४ जनालाई पाँचथर अस्पताल र बाँकीलाई पाथिभरा अस्पताल लगिएको छ । दुर्घटनाको थप अनुसन्धान भइरहेको प्रहरीले जनाएको छ ।