- २८ श्रावण २०८३, बिहीबार / Aug 13, 2026
काठमाडौं । न्यायाधीशहरुको संयुक्त बैठक सुरु भएको छ । प्रधानन्यायाधीश चोलेन्द्र शमशेर जबराले सोमबारका लागि फुलकोर्ट बैठक बोलाएकोमा न्यायाधीशहरुको संयुक्त बैठक सुरु भएको हो ।
प्रधानन्यायाधीशको कार्यशैलीप्रति असन्तुष्टि जनाउँदै आइतबार न्यायाधीशहरुको अनौपचारिक बैठकले फुलकोर्ट बैठक बहिस्कार गर्ने निर्णय गरेको थियो । प्रधानन्यायाधीशकै कारण न्यायालय विवादमा परेको र न्यायालय सुधारको काम तत्कालै सुरु गर्नुपर्ने माग बारले राखेको छ ।
प्रधानन्यायाधीश जबराले आज अपरान्ह १ः३० बजेका लागि फुलकोर्ट बोलाउने प्रतिवद्धता जनाएका थिए । सर्वोच्चमा प्रधानन्यायाधीश र न्यायाधीशहरूबीच लफडा चलिरहेका बेला केही न्यायाधीश भ्रमणमा निस्किएका छन् ।
