- ७ आश्विन २०८३, बुधबार / Sep 23, 2026
नयाँदिल्ली । भारतका अधिकांश भागहरूमा भारी वर्षाका भइरहेका छ । दिल्लीका धेरै ठाउँमा पानी जमेका कारण आवतजावतमा समस्या भएको छ । अवस्थालाई ध्यानमा राख्दै अरविन्द केजरीवाल सरकारले सोमबार विद्यालय बन्द गर्ने निर्णय गरेको छ ।
मौसम पूर्वानुमान महाशाखाले अलर्ट जारी गरेको छ । विगत २ दिनदेखि परेको मुसलधारे वर्षा र मौसम विभागको चेतावनीलाई ध्यानमा राख्दै सोमवार दिल्लीका सबै विद्यालय एक दिनका लागि बन्द गरिएको मुख्यमन्त्री अरविन्द केजरीवालले बताए ।
दिल्लीमा जुलाईमा अहिलेसम्म १६४ मिलिमिटर वर्षा भइसकेको छ । अविरल वर्षाका कारण सहरका धेरै पार्क, अन्डरपास, बजार तथा अस्पताल परिसर जलमग्न भएका छन् । सडक जाम भएका छन् । हावाहुरी र वर्षाका कारण धेरै क्षेत्रमा विद्युत र इन्टरनेट सेवा पनि प्रभावित भएका छन् ।
