- १० भाद्र २०८३, बुधबार / Aug 26, 2026
काठमाण्डौ । अरुणखोलामा पौडी खेल्ने क्रममा डुबेर एक शिक्षकको ज्यान गएको छ । नवलपरासी (बर्दघाट सुस्तापूर्व) को मध्यबिन्दु नगरपालिका–१४ बतासामा रहेको अरुणखोला डुवेर एक जना शिक्षकको मृत्यु भएको हो । मृतक कृष्ण सुवेदी मध्यबिन्दु नगरपालिका–१० मा रहेको जनता माध्यमिक विद्यालयमा पढाउनुहुन्थ्यो ।
सुवेदीसहित स्कुलका सातजना शिक्षक पौडी खेल्न खोलामा गएको बेला उहाँको डुबेर ज्यान गएको हो । मुखेढुङ्गा पानीको दहमा पौडी खेल्ने क्रममा डुबेर देवचुली नगरपालिका–१५ प्रगतीनगर घर भएका ३० वर्षीय कृष्ण सुवेदीको ज्यान गएको प्रहरीले जनाएको छ ।
