- १ श्रावण २०८३, शुक्रबार / Jul 17, 2026
काठमाडौं । मुस्ताङमा बाढीका कारण एक अर्ब रुपैयाँ बराबरको क्षति पुगेको छ । मुस्ताङको कागबेनीमा गत साउन २८ गते आएको बाढीले करिब एक अर्ब रुपैयाँ बराबरको क्षेति पु¥याएको विवरण सार्वजनिक भएको हो ।
बाढीले सडक, पक्की पुल, झोलुङ्गे पुल, गुम्बा, मन्दिर, धर्मशाला, सामुदायिक भवन, प्रहरी चौकी, तटबन्धन लगायत गरी २१ करोड बराबरको क्षति पुगेको विवरण गाउँपालिकाको विपद् व्यवस्थापन समितिले जनाएको छ ।
समितिले उक्त विवरण सुरक्षा निकाय, प्रशासन र रेडक्रससंगको समन्वयमा क्षतिको विवरण संकलन गरेको हो । बाढीबाट २२ वटा घर पूर्ण र ५ वटा घरमा आंशिक क्षति पुगेको छ भने ९ वटा गोठमा पूर्ण र १५ वटा गोठमा आंशिक क्षति पुगेको छ ।
घर गोठको क्षति ५२ करोड ८९ लाख रुपैयाँ बराबरको रहेको जनाइएको छ । बाढीमा बगेर २४ वटा गाई र एउटा घोडा मरेका छन् । विवरण अनुसार नगद, विभिन्न सामग्री र भौतिक संरचनामा ८१ करोड ८३ लाख रुपैयाँ बराबरको क्षति पुगेको छ ।
