- ३१ आश्विन २०८३, शनिबार / Oct 17, 2026
काठमाडौं । काठमाडौं महानगरपालिकाका मेयर बालेन साह तीव्र गतिमा काठमाडौं उपत्यकालाई विकास गर्न अघि बढेका छन् । काठमाडौं उपत्यकामा पार्किङको व्यवस्थालाई चुस्तदुरुस्त बनाउने अभियान सञ्चालन गरेसंगै उनले काठमाडौं महानगरपालिकाका ३२ वटै वडामा एमडिजिपी डाक्टर र नर्स राख्ने प्रस्ताव नगर कार्यपालिकाको आइतबार बसेको बैठकमा अघि सारेका छन् ।
काठमाडौं महानगरपालिकाको वडामा हुने विकास निर्माणसम्बन्धी कामको अनुगमनका लागि ३२ वटै इन्जिनियर राख्ने प्रस्ताव समेत मेयर साहले राखेका छन्। उनले फुटपाथ तथा पार्किङ व्यवस्थापनका गर्न खटिएका नगर प्रहरीलाई प्रोत्साहन भत्ता वितरण र करारका कर्मचारीको समय थप लगायतका विषय बैठकमा पेश गरेका थिए ।
बैठकमा उनले ३२ वटै वडामा वडा क्लिनिक सञ्चालनका लागि ३२ जना एमडिजिपी डाक्टर र ३२ जना नर्स करारमा राख्ने प्रस्ताव गरेका छन् । मेयर बालेनले वडा क्लिनिकमा एमबिबिएस गरेको डाक्टरभन्दा जनरल फिजिसियन डाक्टर राख्न सके स्वास्थ्यसम्बन्धी सरसल्लाह लिन, उपचार गर्न र कुनै समस्याको तत्काल उपचार गर्न सजिलो हुने प्रस्ताव गरेका थिए ।
