म्याक्रों र लेनको बेइजिङ भ्रमण अर्थपूर्ण

एजेन्सी । फ्रान्सका राष्ट्रपति इम्मानुएल म्याक्रों र युरोपेली युनियनकी प्रमुख उर्सुला भोन्डर लेनले चिनियाँ राष्ट्रपति सी जिनपिङसँग भेटवार्ता गर्दै छन् । चीन भ्रमणमा रहेका काफ्रान्सका राष्ट्रपति इम्मानुएल म्याक्रों र युरोपेली युनियनकी प्रमुख उर्सुला भोन्डर लेनले विहिबार भेटवार्ता गर्न लागेका हुन ।

गत महिना चिनियाँ राष्ट्रपति जिनपिङको मस्को भ्रमणको क्रममा प्रस्ताव गरिएको द्वन्द्व अन्त्यको प्रस्तावलाई फ्रेन्च राष्ट्रपतिले सकारात्मक रुपमा लिएको बताएका थिए । बिहीबारको भेटमा द्वन्द्व अन्त्यकै प्रस्तावमाथि छलफल हुने अनुमान गरिएको छ ।

यसअघि जर्मन चान्सलर ओलाफ स्कोल्ज र स्पेनका प्रधानमन्त्री पेड्रो सान्चेजले चीन भ्रमण गरेका थिए । रुस–युक्रेन युद्धले समग्र विश्वलाई प्रभाव पारिरहेको बेला म्याक्रों र लेनको बेइजिङ भ्रमणलाई अर्थपूर्ण रुपमा हेरिएको छ ।

व्यक्तिगत सम्बन्धनलाई आधार मानेर हेर्ने हो भने फ्रेन्च राष्ट्रपति म्याक्रों रुस र चीन दुवै देशका शीर्ष नेतासँग अन्य पश्चिमा नेताहरुभन्दा नरम नीति राखेका छन् । युरोपेली युनियनकी प्रमुख लेन नेटो र अमेरिकाको कट्टर समर्थक रहेकी छन् । म्याक्रो र लेनको संयुक्त यात्रा चीन र युरोपको सम्भावित नयाँ सम्बन्धको सूचक रहेको अनुमान गरिएको छ ।