- ९ आश्विन २०८३, शुक्रबार / Sep 25, 2026
रुकुम । रुकुम पूर्वबाट नेकपा माओवादी केन्द्रका पूर्णबहादुर घर्तीमगर १२ हजार २ सय ६२ मतका साथ निर्वाचित भएका छन् ।
निकटतम प्रतिस्पर्धी एमालेका कैलाशकुमार मल्ललाई ७ हजार ४१ मतले हराउदै घर्तीमगर विजयी भएका हुन् ।
नेकपा एमालेका उम्मेदवार मल्लले ५ हजार २ सय २१ मत प्राप्त गरे । लुम्बिनी प्रदेशका निवर्तमान सभामुख समेत रहेका घर्तीको संघीय संसदमा पहिलो प्रवेश हो ।
प्रदेश सभा १ मा स्वतन्त्र उम्मदवार सुरुल पुन ४ हजार ४ सय ६५ मतका साथ विजयी भएका छन् । उनले तेजबहादुर वलीलाई ५ सय ३३ मतान्तरले पराजित गरेका हुन ।
वलीले ३ हजार ९ सय ३२ मत प्राप्त गरेका छन् । प्रदेश सभा २ मा भने नेपाली कांग्रेसका धनवहादुर केसी ४ हजार ८ सय ६२ मतका साथ विजयी भएका छन् ।
गठबन्धनका साझा उम्मेदवार केसीले स्वतन्त्र उम्मेदवार नरहरि खड्कालाई २ हजार ६ सय १८ मतान्तरले हराएका हुन् ।
स्वतन्त्र उम्मेदवार खड्काले २ हजार २ सय ४४ मत प्राप्त गरेका छन् ।
