- १७ भाद्र २०८३, बुधबार / Sep 2, 2026
काठमाडौं । सर्वोच्च अदालतले विवादास्पद व्यापारी पृथ्वीबहादुर शाहको शंकास्पद रकम फुकुवा गर्न फेरि अस्वीकार गरेको छ । बैंक खाता रोक्का राख्ने राष्ट्र बैंकको निर्णयविरुद्ध ३४ वर्षीय शाह सर्वोच्च गएका थिए ।
न्यायाधीशद्वय विश्वम्भरप्रसाद श्रेष्ठ र कुमार चुडालको संयुक्त इजलासले सोमबार अन्तरिम आदेश दिन अस्वीकार गरेको हो । उक्त मुद्दा पूर्ण सुनुवाइका लागि पेस गर्न आदेश दिएको सर्वोच्चका प्रवक्ता विमल पौडेलले बताए ।
शाहले गत साउन १२ गते वल्र्ड एक्सपोर्ट एन्ड इम्पोर्ट प्रालिका तर्फबाट रिट निवेदन दिएका थिए । उक्त कम्पनीको प्रभु बैंकमा रहेको खातामा ४ करोड ८० लाख रुपैयाँ आएको उनले निवेदनमा जनाएका थिए ।
शाहका बैंक खातामा आएका रकम शंकास्पद देखिएपछि राष्ट्र बैंक, सम्पत्ति शुद्धीकरण विभागलगायतले अनुसन्धान गरिरहेका छन् ।
