- ११ असार २०८३, बिहीबार / Jun 25, 2026
कैलाली । प्रधानमन्त्री ‘प्रचण्ड’सहित मन्त्रीहरुको जम्बो टोलीले कैलालीस्थित शहिद दशरथ चन्द स्वास्थ विज्ञान विश्वविद्यालय (गेटा) को अवलोकन गरेको छ ।
प्रधानमन्त्रीमा नियुक्त भएपछि प्रधानमन्त्री प्रचण्ड पहिलोपटक कोटेश्वरमा जनयुद्ध दिवस मनाएर सुदूरपश्चिम प्रदेश पुगेका छन् । गेटामा रहेको मेडिकल कलेजको निरीक्षण, महेन्द्रनगरमा सुख्खा बन्दरगाहको निरीक्षण ।
कैलाली महोत्सवको उद्घाटन तथा माओवादी केन्द्र जिल्ला कमिटीले आयोजना गरेको जनयुद्ध दिवस’ लगायतका कार्यक्रममा प्रधानमन्त्री सहभागी भएका छन् ।
सरकारले आइतवार मात्रै विश्वविद्यालय बनाउने निर्णय गरेको थियो । सञ्चालनको प्रारुपमा अन्योलता हुँदा संरचना निर्माण भएर पनि मेडिकल कलेज सञ्चालन हुन सकेको थिएन । आर्थिक वर्ष २०६६–०६७ मा मेडिकल कलेज निर्माण स्थापना गर्न घोषणा गरेको थियो ।
साविक डिपिआर अनुसार ८ अर्ब ५० करोड लागत अनुमान गरिएको थियो । यद्यपि सम्पूर्ण निर्माणसहित सञ्चालनको लागि १५ अर्ब लागत अनुमान गरिएको थियो ।
