सगरमाथा आरोहणमा एक भारतीय नागरिकको लेक लागेर मृत्यु

काठमाडौं । सगरमाथा आरोहण गर्न आएका भारतीय नागरिकको लेक लागेर मृत्यु भएको छ ।

सगरमाथा आरोहणका लागि आएकी ज्युसलाई जेठ ३ गते आधार शिविरमा लेक लागेर बिरामी भएपछि हेलिकप्टर मार्फत लुक्ला झारिएको प्रमुख प्रहरी नायब उपरीक्षक (डिएसपी) दिपक श्रेष्ठले बताए ।

सगरमाथा क्षेत्रमा लेक लागेर ५९ वर्षीया सुजान लियोपोल्डिना ज्युसको मृत्यु भएको प्रहरी कार्यालय सोलुखुम्बुले जनाएको छ ।

लुक्लाको पासाङ ल्हामु निकोलनिकी अस्पतालमा उपचारको क्रममा उनको बिहीबार बिहान ६ बजे मृत्यु भएको अस्पतालले जनाएको छ ।

शवको कानुनी प्रक्रिया पूरा गर्ने कार्य भइरहेको प्रहरीले जनाएको छ।