- १० श्रावण २०८३, आईतवार / Jul 26, 2026
काठमाण्डौ । निजामती कर्मचारीले कार्यालय समयमा टिकटक बनाए कारबाही गरिने भएको छ । सङ्घीय मामिला तथा सामान्य प्रशासन मन्त्रालयले सोमबार सूचना प्रकाशित गरी कार्यालय समयमा टिकटक बनाए कारबाही गरिने चेतावनी दिएको हो ।
कार्यालयसँग सम्बन्धित कामबारे समेत टिकटक नबनाउन निर्देशन दिएको मन्त्रालयले जनाएको छ । निजामती कर्मचारीले यस्ता नियम उल्लङ्घन गरेको पाइएमा अनुशासन नियमअन्तर्गत कारबाही हुने मन्त्रालयले सूचनामा उल्लेख गरेको छ ।
पछिल्लो समय टिकटकमा निजामती कर्मचारी उच्छृङ्खल भएको भन्दै गुनासो आएकाले मन्त्रालयले यस्तो कदम चालेको मन्त्रालयले जनाएको छ । कार्यालय समयमा कार्यालयको पोसाक लगाएर, कार्यालयको गाडी प्रयोग गरेर र कार्यालय हाताभित्र टिकटक बनाउन रोक लगाइएको मन्त्रालयले जनाएको छ ।
