सिन्धुलीको चन्दनपुरमा जंगली हात्तीले आतंक, ४ घरमा क्षेती

सिन्धुली । जंगली हात्तीले सिन्धुलीमा आतंक मच्चाएका छन् । सिन्धुलीको कमलाखोच क्षेत्रको कमलामाई नगरपालिका–१४ रानीवास चन्दनपुरमा जंगली हात्तीले आतंक मच्चाएका हुन ।

एक हप्ता अघिदेखि कोशी टप्पु बन्य जन्तु आरक्षणबाट सिन्धुली पसेका जंगली हात्तीले सर्वसाधरणहरुको ४ वटा घर समेत भत्काएका छन् ।

विगत लामो समयदेखि कमलाखोच स्थित हुँदै आउने जंगली हात्तीलाई सरकारी सम्बन्धित निकायले व्यवस्थापनमा ध्यान दिन नसक्दा स्थानीय बासिन्दाहरु पीडित बन्दै आएको स्थानीयको गुनासो रहेको छ ।

पछिल्लो एक दशकमा कमलाखोंच क्षेत्रमा हात्तीको आक्रमणबाट १२ जनाले मृत्यु वराण गरिसकेका छन् । जंगली हात्तीको प्रवेशले दुधौली नगरपालिका र कमलामाई नगरपालिका क्षेत्रका स्थानीय हात्तीको आतंकबाट प्रभावित बन्दै आएका छन् ।