- १ भाद्र २०८३, सोमबार / Aug 17, 2026
जनकपुरधाम । कमला नदीमा आज भूत मेला लागेको छ । भूत मेलामा एकाबिहानैदेखि स्नान गर्नेको घुइँचो लागेको छ ।
धामी झाँक्रीसहित हिँडेका गाउँवासीहरू कमलाको उतराहिनी स्थान, सारश्वर, चिकना, बनिनिया, बसपिट्टा, बरेरबा, फूलबरिया, इनर्वालगायतका घाट पुगेर कला देखाइरहेका छन् ।
कात्तिक पूर्णिमामा कमला नदिमा स्नान गर्नाले भूतबैताल भाग्ने र धामी झाक्रीले तान्त्रिक सिद्धि प्राप्त गर्ने विश्वास रहिआएको छ ।
धामी झाँक्रीहरुले भूत र घरको कुल देवता खेल्दै कमला नदीमा पुगेर स्नान गर्ने चलन सदियौंदेखि चलिआएको छ । त्यसैले यसलाई भूत मेला भनिएको हो ।
आजका दिन नयाँ धामी झाँक्री कमला स्नान गरेपछि तन्त्र विद्यामा निपुन हुने मान्यता छ । भूत मेला हेर्न कमला नदी किनारमा लाखौंको संख्यामा भक्तजन सहभागी भएका छन् ।
