१ लाख ४५ हजार ८ सय ४४ जनाले लगाए कोरोना विरुद्धको खोप

काठमाडौँ । नेपालमा अहिले सम्म कुल १ लाख ४५ हजार ८ सय ४४ जनाले कोरोना विरुद्धको खोप लगाएका छन् ।

स्वास्थ्य मन्त्रालयले २०१ वटा खोप बुथबाट ७७ जिल्लामा १ लाख ४५ हजार ८४४ जनाले कोरोना विरुद्धको भ्याक्सिन लगाएको जानकारी दिएको हो ।

यसैबीच दैलेखको आठबीस स्वास्थ्य चौकी राकम कर्णालीमा ११० जनाले खोप लगाएको अनमी रेशमा कुमारी विकले बताइन् । पहिलो चरणमा स्वास्थ्यकर्मी, स्वयमसेविका र सफाइकर्मीले खोप लगाएका हुन् ।

२७ पुरुष र ८३ महिलाले खोप लगाएको उनको भनाई छ । खाेप लगाइसकेपछि कुनै साइडइफेक्ट नभएकाे स्वास्थ्य चाैकी प्रमुख किरण माझीले बताए ।