- ११ बैशाख २०८३, शुक्रबार / Apr 24, 2026
काठमाडौं । नेपाल प्रहरीको लागू औषध व्यूरोले विहिबार अनौठो घटना सार्वजनिक गरेको छ । व्यूरोले विहिबार धादिङका दावा लामाको पेटबाट खैरो हेरोइन निकालेर अनौठो घटना सार्वजनिक गरेको हो । धादिङका ४९ वर्षीय दावा लामा तामाङ मार्च २९ मा काठमाडौँबाट दुबईका लागि रमाना भए । दुबईमा दावाले होनीमाया तामाङसँग भेटे र अप्रिल ४ मा दुबईदेखि उनी पाकिस्तानको लाहोर रमाना भए । यो बीचमा उनलाई विभिन्न देश जाने मेसो नेपालमै बसेर होनिमाया तामाङले मिलाई रहेकी थिइन ।
दावा विभिन्न देशमा कुनै किसिमको भ्रण गर्न होइन उनको मिसन थियो लागू औषध हेरोइनको कारोबार गर्ने । त्यही मिसन अनुसार उनी पाकिस्तानबाट दुबई हुँदै नेपाल पुगेका थिए । उनी पाकिस्ताको फैसलावादमा पुगेपछि उनलाई लागू औषधको क्याप्सुल दिइएको थियो । लामा ९० लाखको हेरोइन ९ सय ग्राम आफ्नै शरीरमा बोकेर फेरि दुबई हुँदै नेपाल आउन सफल भए । उनी जव अप्रिल ८ मा त्रिभुवन विमानस्थल ओर्लिए त्याहा जालवाज नेपाल प्रहरीको लागूऔषध नियन्त्रण व्यूरोको टोली पर्खिरहेको थियो । दावा विमानस्थल ओर्लिने बित्तिकै नेपाल प्रहरीको लागू औषध नियन्त्रण ब्युरोको टोलीले दावाले नियन्त्रणमा लियो ।
लागू औषध नियन्त्रण व्यूरोको टोलीले दावाको शरीर तथा लगेज चेक गर्दा लागू औषध फेला नपरेपछि व्यूरोको टोली अच्चममा पर्याे । तर, प्रहरी ढुक्क थियो कि उनले लागू औषध बोकेर आएका छन् भन्ने कुरामा । नेपाल प्रहरीको अस्पतालमा दावालाई सामान्य एक्सरे गर्दा उनको शरीरमा केही देखिएन तर जव उनलाई सिटी स्क्यानले स्क्यान गर्याे तव प्रहरी नै चकित पर्याे ।
उनले औषधि खान दिइयो र दुई दिनसम्म उनको शरीरबाट लागू औषध हेरोइनका ९३ वटा क्याप्सुल निकालिएको नेपाल प्रहरीको लागू औषध नियन्त्रण व्यूरोका प्रमुख एसएसपी दिलिप चौधरीले जानकारी दिए । जफत भएको लागू औषधको बजार मूल्य ९० लाख रुपैयाँभन्दा माथि पर्ने ९ सय ग्राम लागू औषध जफत भएको एसएसपी चौधरीले जानकारी दिए ।
लामा यसअघि पनि लागू औषध कारोबारका क्रममा पक्राउ परि ५ वर्ष कैद सजाय भुक्तान गरिसकेका लामा फेरि उस्तै प्रकरणमा पक्राउ परेका हुन् । उनी र उनका सहयोगिहरु थप अनुसन्धान भइरहेको व्यूरो प्रमुख चौधरीको भनाई छ ।
