अतिवादी हमलामा परि इरानमा १५ जनाको मृत्यु, ४० घाइते

एजेन्सी । दक्षिणी इरानको शिराज सहरमा रहेको शिया धार्मिक स्थलमा भएको आक्रमणमा कम्तीमा १५ जनाको मृत्यु भएको छ ।

हमलामा अन्य ४० जना घाइते भएका छन्। मारिनेमा एकजना महिला र अरु दुई बालबालिका रहेका छन् ।

सो धार्मिकस्थलमा रहेका सुरक्षाकर्मीलाई लक्ष्य गरेर हमला गरिएको प्रहरीको भनाइ छ । उक्त आक्रमणमा घाइते भएकामध्ये केहीको अवस्था गम्भीर रहेको छ ।

आक्रमणमा संलग्न तीन जनामध्ये एकलाई प्रहरीले हिरासतमा लिएको छ। घटनामा को को संलग्न छन् भनेर अहिले आक्रमणको प्रहरीले अनुसन्धान गरेको छ।