- ६ श्रावण २०८३, बुधबार / Jul 22, 2026
काठमाण्डौं । अनलाइनबाट जुवा खेल्ने ७४ जनालाई प्रहरीले काठमाण्डौबाट पक्राउ गरेको छ ।
आइतवार राति काठमाण्डौ महानगरपालिका वडा नम्बर ६ बौद्धमा अनलाइन जुवा बिङ्गो खेलिरहेको अवस्थामा ७४ जनालाई प्रहरीले पक्राउ गरेको हो । दोलखाका सुवास घिसिङले सञ्चालन गरेको रेस्टुरेन्टमा उनीहरूले जुवा खेलिरहेकै अवस्थामा पक्राउ गरेको हो ।
६६ जना पुरुष र आठ जना महिला पक्राउ परेका हुन् । रेस्टुरेन्टमा ठूलो सङ्ख्यामा मान्छेहरू जम्मा भएर अनलाइन जुवा खेलेको सुराकीका आधारमा छापा मारेको प्रहरीले उनीहरूको साथबाट ६ लाख ९० हजार रुपैयाँ नगद, मोबाइल लगायतका सामग्री बरामद गरिएको महानगरीय प्रहरी परिसर टेकुले जनाएको छ ।
पछिल्लो समय अनलाइनबाट जुवा खेलाउने क्रम बढेको भन्दै प्रहरीले सक्रियता पूर्वक खोजतलास गरिरहेको छ ।
