अनुमति नदिने निर्णय लागुसँगै धमाधम उडान रद्द

काठमाडौ नेपाल नागरिक उड्डयन प्राधिकरणले मौसम सफा नभई आन्तरिक उडानका लागि अनुमति नदिने निर्णय लागू गरेसँगै आन्तरिकतर्फको उडान प्रभावित हुन थालेको छ ।

हिजो साँझ र आज शुक्रबार बिहानका केही उडान स्थगित भएका वायुसेवा कम्पनीले जनाएका छन्। मौसमको खराबीले तारा एयरको ट्विनअटर विमान दुर्घटनामा परेको प्राधिकरणको प्रारम्भिक निष्कर्षपछि मौसम सफा नभई आन्तरिक उडानका लागि अनुमति नदिने भन्दै कडाइ गरिएको हो।

विमान उड्ने र पुग्ने स्थानबीच (इनरुट)को उडान मार्गको मौसमसम्बन्धी जानकारी समयमै उपलब्ध नहुँदा त्यस्ता ठाउँको उडान प्रभावित हुन थालेको वायुसेवा कम्पनीले जनाएका छन्।