- १८ श्रावण २०८३, सोमबार / Aug 3, 2026
अपडेटः एक लाख ३६ हजार २६९को उम्मेदवारीकाठमाडौं । स्थानीय तह निर्वाचनमा ७ सय ५३ वटै पालिकामा १ लाख ३६ हजार २ सय ६९ उम्मेदवारले मनोनयन दर्ता गराएका छन् ।
बिहान सार्वजनिक गरेको विवरण अनुसार आइतबार र सोमबार गरी उम्मेदवारी दर्ता भएको निर्वाचन आयोगले जनाएको छ । स्थानीय तहमा वैशाख ३० गते ३५ हजार २ सय २१ जनप्रतिनिधिका लागि चुनाव हुँदैछ ।
२०७४ को स्थानीय तहको चुनावमा १ लाख ५१ हजार १ सय ९० जनाले उम्मेदवारी दिएका थिए भने यसपाली १ लाख ३६ हजार २ सय ६९ ले उम्मेदवारी दिएका छन् ।
कुन पदमा कति ?
मेयरः ३ हजार २६१
अध्यक्षः ३ हजार २५४
उपमेयरः २ हजार ३
उपाध्यक्षः २ हजार २९२
वडाध्यक्षः ३२ हजार ५९
महिला सदस्यः २३ हजार ३ सय ७५
दलित महिला सदस्यः २१ हजार ११५
सदस्यः ४८ हजार ९१०
मंगलबार उम्मेदवारको विरोधमा उजुरी, १४ र १५ वैशाखमा मनोनयनपत्र जाँच गरी उम्मेदवारको नामावली प्रकाशन गर्ने, १६ वैशाखमा उम्मेदवारले नाम फिर्ता लिने र उम्मेदवारको अन्तिम नामावली प्रकाशन गर्ने, १७ वैशाखमा उम्मेदवारलाई निर्वाचन चिह्न प्रदान गर्ने आयोगले तयारी थालेको छ ।
