- १२ कार्तिक २०८३, बिहीबार / Oct 29, 2026
एजेन्सी । अमेरिकाको केन्द्रीय बैंक फेडरल रिजर्भले फेरी ब्याजदर बढाएको छ । बैंकिङ क्षेत्र धरासायी बन्दै गर्दा अर्थतन्त्रमा स्थिरता ल्याउने उदेश्यले ब्याजदर बढाएको जनाएको छ । अमेरिकी बैंकिङ प्रणाली सुरक्षित रहेको दावी गरेको फेडरलले आगामी दिनमा अर्थतन्त्रमा चुनौती थपिने चेतावनी समेत दिएको छ । फेडरल रिजर्भले शून्य दशमलव २५ प्रतिशतले निक्षेपको ब्याजदर बढाएको हो ।
अर्थशास्त्रीहरुले यो वर्ष अमेरिकी अर्थतन्त्रमा शून्य दशमलव ४ प्रतिशत भन्दा बढी वृद्धि नहुने बताएका छन् । आगामी वर्ष पनि आर्थिक वृद्धि निकै सुस्त हुने उनीहरुको प्रक्षेपण रहेको छ । निक्षेपको ब्याजदर बढेसँगै बैंकबाट लिइने ऋण तथा सापटी पनि महँगो हुने भएकाले समग्र रुपमा महँगी बढ्ने जनाइएको छ ।
१ महिनाभित्र सिलिकन भ्याली, सिग्नेचर र फस्र्ट रिपब्लिक बैंक डुबेपछि अमेरिकी अर्थतन्त्र गम्भीर मन्दीतर्फ जान लागेको आशंका भइरहेको बेला फेडले सर्वसाधारणलाई आश्वस्त पार्ने प्रयास गरेको छ ।
