- ५ श्रावण २०८३, मंगलवार / Jul 21, 2026
मोरङ । काठ तस्करीमा संलग्न ४ जना लाई प्रहरीले पक्राउ गरेकाे छ । प्रतिबन्धित सखुवा जातको काठ अवैध रुपमा चोरी निकासी गरिरहेकाे अवस्थामा उनीहरू पक्राउ परेकाे प्रहरीकाे भनाई छ ।
ई.प्र.का.केराबारीबाट खटिएको प्रहरीकाे संयुक्त टोलीले पक्राउ गरेकाे हाे । केराबारी गाउँ पालिका वडा नं. ३ स्थित भ्यूडाँडामा को ३८ प १४२४ नम्बरको एफ.जेट मोटरसाईकलमा आएका दुइ जनालाई सोधपुछ गर्दा को १ च ९०७४ नम्बरको सेतो पिकअप गाडीमा चिरान काठ बिक्रि वितरण गर्ने उद्देश्यले ल्याउँदै गरेको भनेपछि प्रहरीले खानतलासी गर्याे ।
गाडी चेकजाँच गर्दा उक्त गाडीको पछाडी डालामा सखुवाको विभिन्न साईजको काठ थान ८६ (छयासी) थान भेटिएकाे हाे । ४२.४२ कि.वि. साइजका काठ फेला पारेकाे र उक्त काठ ओसारपसार गर्न प्रयोग भएको को १ च ९०७४ नम्बरको पिकअप भेन र काे ३८ प १४२४ नम्बरको मोटरसाईकललाई नियन्त्रणमा लिएकाे छ ।
तस्करीमा संलग्न भएकाे आराेपमा केराबारी ३ बस्ने वर्ष ३८ का बिष्णु सुहाङ लिम्बु, वर्ष ३८ का सुसन लिम्बु, वर्ष ३३ का हरि लिम्बु र वर्ष २३ का बिक्रम लिम्बुलाई पक्राउ गरी बरामद भएको काठ, सवारी साधनलाई सब डिभिजन वन कार्यालय केराबारीमा आवश्यक कारवाहीका लागि पठाइएकाे माेरङ प्रहरीले बताएकाे छ ।
