- ७ आश्विन २०८३, बुधबार / Sep 23, 2026
काठमाडौँ । आफू राम्रो बनेर अरुलाई खोट लगाउने संस्कृति विकसित हुँदै गएको संस्कति, पर्यटन तथा नागरिक उड्डयनमन्त्री सुदन किराँतीले बताएका छन् । मंगलवार भक्तपुरमा नेपाल संवत ११४४ र नेपाल संवतका प्रवर्तक राष्ट्रिय विभूति शंखधर साख्वाको प्रतिमामा माल्यार्पण कार्यक्रमलाई सम्बोधन गर्दै मन्त्री किराँतीले उक्त संस्कृतिप्रति दुःख व्यक्त गरे ।
उनले आजको पर्यटन नेपालीमैत्री हुनुपर्ने समेत बताउँदै नेपालमा हुने जात्राहरुलाई महोत्सवको रुपमा सञ्चलन गरी विश्वबाट पर्यटकहरु तान्नुपर्ने तर्क गरे । मन्त्री किराँतीले ‘नेपालमा हजारौँ जात्रा हुन्छन्, ती जात्राहरुलाई हामीले विश्वस्तरमा पुर्याउन सक्नुपर्छ ।
हामीले त्यस्ता जात्रालाई महोत्सवका रुपमा सञ्चालन गर्नुपर्छ । आजको पर्यटन नेपालीमैत्री हुनुपर्छ । प्रकृति र संस्कृतिको समायोजनबाट स्थानीय स्वाद र स्वामित्व सहितको हुनुपर्छ’ भने ।
नेपाली पर्वहरुलाई विश्वस्तरमा चिनाउन सक्नुपर्ने उनको भनाइ थियो ।
