आजदेखि देशभरका विद्यालय बन्द

काठमाडौं । कोभिड-१९ को संक्रमण दोब्बरले बढेपछि सरकारले आजदेखि आधारभूत र माध्यमिक तहका विद्यालय बन्द गरेको छ ।

२५ पुसको सिसिएमसिसी बैठकको सिफारिस र त्यसको भोलिपल्ट शिक्षा मन्त्रालयको निर्णयअनुसार आज ९मंगलबार०देखि १५ माघसम्मका लागि ३५ हजार विद्यालयमा पठनपाठन बन्द गरिएको हो । विश्वविद्यालयका विषयमा कुनै निर्णय भएको छैन। यद्यपि परीक्षाका कार्यक्रम भने जनस्वास्थ्य मापदण्ड अपनाएर सञ्चालन गर्न लागिएको छ ।

बिदाको अवधिमा सिकाइ सहजीकरण निर्देशिका, २०७७ अनुसार विद्यार्थीको सिकाइमा आवश्यक सहजीकरणको प्रबन्ध मिलाउन शिक्षा मन्त्रालयले बाटो खुल्ला गरेको छ। बालबालिकामा कोभिडको जोखिम बढेपछि यस्तो निर्णय लिनुपरेको सिसिएमसिसीका प्रवक्ता सुनिता नेपाल बताउँछिन् ।