- ३१ आश्विन २०८३, शनिबार / Oct 17, 2026
काठमाडौं । वैदेशिक रोजगारीमा लाखौं कमाइ हुन्छ भनेर इजरायल पठाउदिन्छ भनी ठगी गर्ने पाँच जनालाई प्रहरीले पक्राउ गरेको छ ।
मंगलबार झापा गाउँपालिका वडा नं. ७ की ३२ वर्षीय हरीकला दाहालसहित पाँच जनालाई पक्राउ गरेको उपत्यका अपराध अनसन्धान कार्यालयका सूचना अधिकारी प्रहरी उपरीक्षक रविन्द्र रेग्मीले बताए ।
उनीहरुले इजरायलमा पुगेपछि कन्स्ट्रक्सनमा काम लगाइदिने विश्वास दिलाएर प्रलोभनमा पारी पीडितबाट पटक पटक गरी ४८ लाख रुपियाँ रकम ठगी गरी सम्पर्कविहीन भएको विज्ञप्तिमा उल्लेख छ ।
विशेष प्रहरी टोलीले खोजतलासको क्रममा मंगलबार दिउँसो साढे २ बजे उनीहरुलाई चाबहिल ७ बाट पक्राउ गरेर अनुसन्धानका लागि वैदशिक रोजगार विभागमा पठाएको छ ।
अहिले अनुसन्धान गरिरहेको प्रहरीको भनाइ छ ।
