- ३ कार्तिक २०८३, मंगलवार / Oct 20, 2026
तेहरान । अमेरिकाले भारतमाथि प्रतिबन्ध लगाउने धम्की दिएको छ । भारत र इरानबीच चाबहार बन्दरगाह सम्झौता भएपछि अमेरिकाले उत्त धम्की दिएको हो । चाबहारमा शाहिद बेहेश्ती बन्दरगाह टर्मिनलको विकासका लागि दीर्घकालीन सम्झौतामा अमेरिकी प्रतिक्रियालाई उल्टो रूपमा हेरिएको छ।
सन् २०१८ को नीति अन्तर्गत अमेरिकाले चाबहार बन्दरगाह विकासका लागि भारतलाई केही प्रतिबन्धबाट छुट दिएको थियो। चाबहार बन्दरगाहबीच भएको सम्झौताले अफगानिस्तान, मध्य एशिया र यूरेशियासँग भारतको सम्बन्धलाई बढावा दिने बताएको छ।
१० वर्षसम्म उक्त बन्दरगाह भारतले प्रयोग गर्ने सम्झौता सोमवार भएको थियो। अमेरिकी विदेश मन्त्रालयले वक्तव्य दिँदै इरानसँग कारोबार गर्ने देशमाथि प्रतिबन्ध लगाइने चेतावनी दिएको छ। अमेरिकाले इरानी बन्दरगाह चाबहार सम्झौता गर्न भारतलाई कुनै छुट नदिएको दावी गरेको छ। भारतका लागि अमेरिकी राजदूत एरिक गार्सेटीले इरानसँग कारोबार गर्नेले के खतरा मोल्नुपर्छ भन्ने थाहा पाउनुपर्ने चेतावनी दिएका छन्।
इरानको सडक तथा शहरी विकास मन्त्रालयका अनुसार सम्झौताबाट भारतलाई इरानको सिमाना नजिक रहेको बन्दरगाह प्रयोग गर्न १० वर्षको सुविधा दिनेछ। यो बन्दरगाह पाकिस्तानसँगको सिमाना नजिकै पर्छ।
