- १४ जेष्ठ २०८३, बिहीबार / May 28, 2026
एजेन्सी । रुससँगको भिसा सम्झौता निलम्बन गर्न युरोपियन युनियन (ईयू) का विदेश मन्त्रीहरू सहमत भएका छन् । योसँगै रुसी नागरिकलाई युरोपेली मुलुकमा प्रवेश पाउन असहज भएको छ ।
युक्रेनलगायत केही राष्ट्रहरूले रुसमाथि पूर्ण प्रतिबन्ध लगाउन माग गरे पनि फ्रान्स र जर्मनी त्यसको विपक्षमा उभिएका छन् । गत फेब्रुअरीमा रुसले युक्रेनमाथि सैन्य कारबाही सुरु गरेयता लाखौँ रुसी नागरिक युरोपको यात्रामा निस्किएका छन् ।
रुससँग सीमा जोडिएका अन्य युरोपेली मुलुकहरूले थप प्रतिबन्ध लगाउन सक्ने बताइएको छ । युरोपेली युनियनले आफ्नो खुट्टामा आफै गोली प्रहार गरिरहेको रुसका उप विदेशमन्त्री अलेक्सान्डर ग्लुस्कोले प्रतिक्रिया दिएका छन् ।
ईयूको पछिल्लो कदमको रुसले जवाफ दिने चेतावनी दिएको छ । उता ईयूको कदमलाई अधुरो उपाय बताउँदै युक्रेनका विदेशमन्त्री दिमित्रो कुलेबाले आलोचना गरेका छन् । युरोपियन युनियनले जे गरेपनि रुसलाई कुनै असर नपर्ने अधिकारीहरुले बताएका छन् ।
