उपकुलपतिको कुर्सीमा जुत्ताको माला, छानबिन समितिको प्रतिवेदन सार्वजनिक गर्न नेविसंघको माग

काठमाडौं । त्रिभुवन विश्वविद्यालयका उपकुलपतिको कुर्सीमा जुत्ताको माला लगाइएको छ ।

त्रिविले परीक्षामा प्रश्नपत्र दोहोरिएको विषयमा छानबिन समितिको प्रतिवेदन सार्वजनिक गर्न माग गर्दै नेपाल विद्यार्थी संघले उपकुलपतिको कुर्सीमा जुत्ताको माला लगाएको हो ।

प्रतिवेदन सार्वजनिक गर्न माग गरेको लामो समय वित्दापनि माग सुनुवाइ नभएको र उपकुलपतिलाई भेट्न नदिएपछि कुर्सीमा जुत्ताको माला लगाएको नेविसंघका उपसभापति लक्ष्मण भाटले बताए ।

उपकुलपतिलाई नभेटेपछि कुर्सीमा जुत्ताको माला लगाएको उनको भनाइ छ । परीक्षामा हुबहु सोधिएको प्रश्नपत्रका सम्बन्धमा छानबिन गर्न समिति गठन गरेको थियो ।

प्राध्यापक घनश्याम भट्टराईको संयोजकत्वमा तीन सदस्य छानबिन समिति तयार गरेको प्रतिवेदन सार्वजनिक गर्न नेविसंघले माग गर्दै आएको छ ।