एक सिंगे गैँडा मृत फेला

काठमाडौँ । एक सिंगे गैँडा चितवन राष्ट्रिय निकुञ्ज क्षेत्रमा मृत्य फेला परेको छ । निकुञ्जको कोर क्षेत्र अमलटारी सेक्टर अन्तर्गत शेरी पोष्ट नजिकै गैँडा मृत फेला परेको हो। भाले गैडा अन्दाजी २० बर्ष उमेरको रहेको निकुञ्जले जनाएको छ । आपसमा जुधेर गैँडाको मृत्यु भएको हुनसक्ने निकुञ्ज प्रसासनले जनाएको छ ।

चितवन राष्ट्रिय निकुञ्ज र निकुञ्जको मध्यवर्ती क्षेत्रमा चालु आर्थिक वर्ष २०७९–०८० मा मृत्यू हुने गैँडाको संख्या १३ रहेको रेकर्ड सार्वजनिक गरिएको छ । निकुञ्जको कोर क्षेत्रमा मृत अवस्थामा फेला परेको गैँडाको खाग खुर सुरक्षित रहेको जनाइएको छ ।