- २९ भाद्र २०८३, सोमबार / Sep 14, 2026
काठमाडौं । नेकपा एमालेका नेता बालकृष्ण ढुंगेलको निधन भएको छ । काठमाडौं काँडाघारीस्थित आफ्नै निवासमा उनकाे निधन भएकाे हाे ।
घरकाे बाथरुममा लडेर निधन भएको पारिवारिक स्राेतले जनाएकाे छ । ढुंगेल घरमा एक्लै थिए । अहिले ढुंगेलको घरमा प्रहरी पुगेको छ ।नेकपा माओवादी केन्द्रबाट विद्राेह गरि नेकपा एमालेमा रहेका उनी पहिलो संविधानसभाका सदस्यसमेत थिए ।
सशस्त्र द्वन्द्वका क्रममा भएको उज्जन श्रेष्ठको हत्या आरोपमा ज्यान मुद्दामा दोषी ठहर भइ उनी लामाे समय जेलमा बसेका थिए । उक्त अभियोगमा उनी दुई पटक गरी करिब ७ वर्ष जेल बसेका थिए ।
नेकपा एमाले र नेकपा माओवादी केन्द्र एकीकरण भएर बनेको तत्कालिन नेकपा विभाजित भएपछि ढुंगेल एमालेमै बसेका थिए । उनी हाल एमालेको पोलिट्ब्यूरो सदस्य थिए ।
